طريقة عمل الجمبرى بالخلطة السحرية
المقادير:
كيلو جمبري وسط كبير لو عايزة جامبو مافيش مانع يعني بصلة كبيرة مقطعة معكبات صغيييرة
طماطم كبيرة مقطعة مكعبات صغييييرة فلفل رومي كبيرة مقطعة مكعبات صغيييرة
ملعقة صغيرة ثوم مهروس ملح فلفل نصف ملعقة صغيرة كمون اقل من نصف ملعقة صغيرة زعتر
اقل من ربع كوب خل عصير ليمونة شوية زيت
طريقة التنضيف:
انا هقولكم بالمرة علي طريقة تنضيف الجمبري علشان كنت بضًيًع نصف الجمبرياية في التنضيف
المفروض انت بتقولي للراجل ينظفلك ضهر الجمبري
طيب لو ما نظفهوش
زي الشاطرة كده تجيي الجمبري من ظهره و بمقص صغير تقصي القشر من الراس للذيل
(ماتقصيش الذيل طبعا )
]
و تشرطي شرطة بالسكين بالراحة في مكان االعمود الفقري بتاع الجمبري في لحم الجمبري نفسه
(طبعا هو مالوش عمود فقري بس انا بحاول اوضحلك الصورة)
هتلاقي زي عرق كده هو ده امعاء الجمبري
شيلية طبعا
عايزة افكركم اني ماشلتش الراس
(علشان الست اللي في الصور شالتها)
هتلاقي في راس الجمبري مادة كده لونها اصفر او برتقالي
ا
وووعي تشيليها
بيقولوا عليها البطروخ بتاع الجمبري و هي اللي فيها الفايدة كلها
كدة خلصنا من التنضيف
طريقة العمل:
تنقعي الجمبري في ماية فيها دقيق و ملح و ليمون
(بس كتري الليمون)
و تسيبيه شوي علشان الزفارة
(10 دقائق مثلا)
انا كده ماقشرتش الجمبري
الصينية ديه بتكون احلي كده
طبعا ممكن تستخدمي المقشر مافيش مشكلة
نحط كل الحاجات الحلوة اللي عملناها في المقادير ديه مع الجمبري في صينية او طاسة كبيرة و نقلب كويس
و نحطها علي البوتاجاز من فوق
(مش محتاج فرن لانه مش بيخد وقت)
و تغطيها و كل فترة تقلبي
هينزل مايته كلها و بعدين يشربها و كده خلاص نكون خلصنا
التسوية مابتكملش ربع ساعة
ممكن طبعا يتاكل كده من الصينية
يمكن عمل رز ابيض بجانبه
و احط منه علي الرز و شوية صوص و الرز يكون طعمه تححححفة
ممكن من غير رز خااالص و جنبه سلطات و خلاص
ملحوظة:
ممكن لو عايزاه مشوي
يبقي الخلطة ديه ممكن نستخدمها كتتبيلة
تسيبيه فيها نصف ساعة مثلا و بعدين تشوحيه في طاسة علي النار
بالهنا والشفا
مستنية ردودكم
موضوع: طريقة عمل الجمبرى بالخلطة السحرية 
28/9/2009, 01:11
